“Asan olmadı” – Spaletti

“Napoli”nin baş məşqçisi Luçano Spaletti UEFA Çempionlar Liqasının 1/8 finalının “Ayntraxt”la cavab görüşünü (3:0) dəyərləndirib.

Komanda.az xarici KİV-ə istinadən xəbər verir ki, o, rəqibin ilk dəqiqələrdə yaxşı hücum etdiyini deyib:

“Asan olmadı, lakin hamılıqla tarixi hədəfi gerçəkləşdirə bildik. İlk dəqiqələrdə rəqib yaxşı hücumlar etdi. Futbolçularımda komanda oyunu yox idi, çünki “Ayntraxt” çox təzyiq edirdi. İkinci hissədə yaxşı quraşdırılmış mexanizm kimi çıxış etdik”.

İki oyunun nəticəsinə əsasən, neapollular Bundesliqa klubunu 5:0 hesabı ilə məğlub edərək, növbəti mərhələyə çıxıb.