“Tarix sübut edəcək ki, Xavi “Barselona”nı bərpa edib”

“Barselona”nın idman direktoru Deku bildirib ki, Xavi cari mövsümün sonunda klubu tərk etmək qərarına sadiq qalır.

Komanda.az “Daily Mail”-ə istinadən xəbər verir ki, klub rəsmisi Xavinin onlar üçün ideal məşqçi olduğunu söyləyib:

“Hər oyundan əvvəl məndən Xavinin fikrini dəyişib-dəyişmədiyini soruşurlar. Bu baş versə, o, bizə deyəcək. O, bizim üçün ideal məşqçidir. O, həmişə pozitivdir, heç vaxt şikayətlənmir, klubun hansı çətinliklərlə üzləşdiyini bilir. Tarix sübut edəcək ki, o, “Barselona”nı bərpa edib”.

“Barselona” hazırda La Liqada 29 oyundan sonra 64 xalla 2-ci pillədə qərarlaşıb.