Rednapp İngiltərə millisinə onun rəhbərlik etməsini istəyir

İngiltərə millisinə almaniyalı məşqçi Tomas Tuxel rəhbərlik edir, ancaq o, təyinat alanda belə, ingiltərəli mütəxəssis Harri Rednapp bu namizədliyə qarşı idi.

Komanda.az “derbyderbyderby.it”-ə istinadən xəbər verir ki, Rednapp indi fikrini dəyişməyib, üstəlik, İngiltərə Futbol Federasiyasının rəhbərliyinin kimi dəvət etməli olduğunu da dəqiq bilir:

“Eddi Hou sadə, asan, aşkar seçimdir. Mən onu seçərdim. O, “Nyukasl”dan ayrılmağa razı olmaya bilər, amma ona yaxınlaşmaq lazım idi. Klubunda yaxşı iş görən gənc mütəxəssisdir. O, ideal namizəddir”.