“Tam olaraq “Kopenhagen”lə oyuna köklənmişik” – “Qarabağ”ın futbolçusu

“Qarabağ”ın futbolçusu Leandro Andrade mətbuat konfransında iştirak edib.

Komanda.az xəbər verir ki, yarımmüdafiəçi Bakıda “Kopenhagen”ə qarşı keçirəcəkləri UEFA Çempionlar Liqasın 2-ci turunun oyunu ilə bağlı fikirlərini bölüşüb:

“Azərbaycan xalqını sevindirməyə çalışacağıq. Yenidən bunu etmək şansımız var. Bizim üçün çox vacib matçdır”.

O, stadionun onlar üçün çox münasib olduğunu deyib:

“Meydanda bacardığımızı etməyə çalışacağıq. Rəqib əla komandadır. Çempionlar Liqasında zəif komanda yoxdur. Qalibiyyət üçün hər şey edəcəyik. Tam olaraq bu oyuna köklənmişik”.

“Qarabağ” – “Kopenhagen” oyunu oktyabrın 1-də, saat 20:45-də Tofiq Bəhramov adına Respublika stadionunda start götürəcək.

Fəxri Rüstəmli