![](https://komanda.az/wp-content/uploads/2022/08/t-2.jpg)
Tahir Süleymanov da “Turan Tovuz”a ianə etdi
Beynəlxalq dərəcəli keçmiş hakim, futbol mütəxəssisi Tahir Süleymanov “Turan Tovuz” klubuna avtobus alınması üçün ianə kampaniyasına qoşulub.
Komanda.az xəbər verir ki, o, Tovuz təmsilçisinə 135 manatlıq ianə edib.
Layihə klub üçün 100 min manat ianə toplamaq məqsədi daşıyır. Veb platformada real futbol meydançası ölçülərinə uyğun 7140 ədəd pikseldən ibarət virtual meydança yerləşdirilib. 1 (15 manat), 4 (60 manat), 9 (135 manat) və 16 (240 manat) pikseldən toplanan vəsait kluba avtobus alınması üçün sərf olunacaq və bununla bağlı ictimaiyyətə hesabat veriləcək.
Azarkeşlər 30 illik yubileyini qeyd edən Azərbaycanın ilk rəsmi Peşəkar Futbol Klubu olan “Turan Tovuz”a dəstək məqsədilə ianə edərkən aldıqları piksellərə öz şəkillərini yerləşdirə bilərlər. İanəçilərin fotoları klubun avtobusunun üzərində yer alacaq və stadionun seçilmiş ərazisindəki lövhədə öz əksini tapacaq. Hazırda həmin avtobusun alınması üçün 6928 piksel qalıb.
Bizi Facebook-da izləyin