Tacikistan millisinin üzvü “Kəpəz”də

Transfer çalışmalarını davam etdirən “Kəpəz” növbəti keçidi rəsmiləşdirib.

Komanda.az xəbər verir ki, klub Tacikistan milli komandasının yarımmüdafiəçisi Şervoni Mabatşoevlə müqavilə imzalayıb.

24 yaşlı futbolçu ilə 6 ay+1 il müddətinə müqavilə bağlanıb.

Karyerasında ilk dəfə legioner həyatı yaşayan Şervoni buna qədər vətənində çıxış edib. Onun son klubu “İstiklol” olub.

Mabatşoev yığmasının heyətində 29 oyuna çıxıb, 6 qol vurub.