“Bayern”in yeni transferi bu gün tibbi müayinədən keçəcək

Leverkuzen “Bayer”inin müdafiəçisi Conatan Ta “Bayern”ə transfer olunmağa yaxındır.

Komanda.az xarici KİV-ə istinadən xəbər verir ki, 29 yaşlı futbolçu bu gün Münhenə gələrək tibbi müayinədən keçəcək.

Uğurla nəticələnəcəyi təqdirdə, Ta “Bayern”lə müddəti 2029-cu ilə qədər nəzərdə tutulan müqaviləyə imza atacaq. Daha sonra isə o, Almaniya millisinin düşərgəsinə qoşulacaq.

Almaniyalı oyunçu hazırkı mövsümdə bütün turnirlərdə 49 oyunda iştirak edib, 4 qol vurub və 1 məhsuldar ötürmə ilə yadda qalıb.

Transfer yaxın günlərdə rəsmiləşərsə, Ta yeni komandası ilə Klublararası dünya çempionatında da iştirak edə biləcək.