Təsdiqləndi: “Qarabağ” Kadi üçün təklif göndərib

“Qarabağ” keçmiş futbolçusu Kadi Borgesin transferi üçün Rusiya “Krasnodar”ına təklif göndərib.

Komanda.az xəbər verir ki, bu barədə yarımmüdafiəçinin agenti Helsio Alisk “RB Sport”-a açıqlama verib.

Agent, Azərbaycan çempionunun Kadi üçün təklif göndərdiyini təsdiqləyib:

“Qarabağ” həqiqətən də Kadi üçün təklif göndərib. Amma bundan artıq heç nə deyə bilmərəm. Biz “Krasnodar”ın qərarını gözləyirik”.

Kadi 2021-ci ilin yayından 2023-cü ilədək “Qarabağ”ın formasını geyinib. O, son mövsümdə Rusiyadakı bütün turnirlərdə 33 oyun keçirib, 4 qol və 3 məhsuldar ötürmə ilə yadda qalıb.