“Təşəkkürlər, futbol!” – Poçettino

Çempionlar Liqasının yarımfinal mərhələsinin cavab oyunları çərçivəsində səfərdə “Ayaks”a 3:2 hesabı ilə qalib gələn “Tottenhem”in  baş məşqçisi Maurisio Poçettino matçdan sonra açıqlama verib.

Komanda.az İngiltərə mətbuatına istinadən xəbər verir ki, argentinalı mütəxəssis, qələbəni belə şərh edib:

“Danışmaq çətindir. İnanılmaz hisslər yaşayıram. Futbolçularımın hamısı qəhrəmandır. İkinci hissədə möhtəşəm oyun göstərdilər. İçində futbol olmayan bir həyatda bu hissləri yaşamaq mümkünsüzdür. Təşəkkürlər, futbol!”

Komandanın hər üç qolunun müəllifi olan Lukas Moura haqqında danışan 47 yaşlı mütəxəssis, “Futbolçularımın hamısı ayrılıqda qəhrəmandır, amma Moura superqəhrəmandır” deyib.