Yeni baş məşqçi Van Nistelroya təşəkkür etdi

“Mançester Yunayted”in yeni baş məşqçisi Ruben Amorim niderlandlı çalışdırıcı Rud van Nistelroyla vidalaşıb.

Komanda.az xarici KİV-ə istinadən xəbər verir ki, portuqaliyalı mütəxəssis sosial şəbəkə hesabında bunu yazıb:

“Təşəkkür edirəm, Rud”.

Van Nistelroy İngiltərə klubunun keçmiş çalışdırıcısı Erik ten Haqın istefasından sonra “Mançester Yunayted”in baş məşqçisi vəzifəsini icra edib. O, artıq klubdan ayrılıb.

“Qırmızı şeytanlar” Premyer Liqada 11 turdan sonra 15 xal toplayıb və turnir cədvəlinin 13-cü pilləsində qərarlaşıb. Komandanın növbəti oyunu noyabrın 24-də “İpsviç”lə olacaq.