“Təbriklər “Real”, nə gözəl macəradır!”

Braziliyalı keçmiş futbolçu Pele “Real”ı UEFA Çempionlar Liqasının finalında “Liverpul”la oyunda (1:0) qazandıqları qələbə münasibətilə təbrik edib.

Komanda.az xəbər verir ki, sabiq dünya çempionu sosial şəbəkə hesabında bunları yazıb:

“Futbol buna görə dünyanın ən gözəl idman növüdür. Mən həlledici bir matçın nəticəsini həll etmək üçün sınaqlardan keçən əziz dostum Vinisiusu görə bildim. Marselonun kapitan kimi Çempionlar Liqasını qazanan ilk braziliyalı olmasını görməkdən də şadam. Qüsursuz qapıçı Tibo Kurtuanın qabiliyyətlərini nümayiş etdirdiyinin şahidi oldum.

Dəyişikliklərə yaxşı reaksiya verən və komandasının ən yaxşı keyfiyyətlərindən istifadə edən baş məşqçi Karlo Ançelottinin əməyini də qeyd etmək istəyirəm. Təbriklər “Real”, nə gözəl macəradır!”

Bizi Telegramda izləyin