“Real”ın daha bir futbolçusu ərəblərin hədəfindədir

Səudiyyə Ərəbistanı klubları “Real”ın bir sıra aparıcı futbolçularına maraq göstərir.

Komanda.az xarici KİV-ə istinadən xəbər verir ki, Madrid klubunun futbolçularına Səudiyyə Ərəbistanı çempionatında həqiqətən böyük tələbat var. Ərəblərin maraq dairəsində Eder Militao da var. Lakin yaxın gələcəkdə “Real”dan kimisə transfer etmək olduqca çətin olacaq, çünki klub rəhbərliyi əsas oyunçulardan heç biri ilə ayrılmaq niyyətində deyil. Cari transfer pəncərəsində heç bir oyunçunun Madrid klubundan ayrılmasına icazə verilməyəcək.

Bu yaxınlarda mediada Səudiyyə Ərəbistanından olan alıcıların hücumçu Vinisius Junior üçün 1 milyard avro ödəməyə hazır olduğu ilə bağlı şayiələr yayılmışdı.

“Real” son mövsümdə Çempionlar Liqasının qalibi olub.