“Səbail”dən Super Liqa klubu ilə heç-heçə

Yeni mövsümə hazırlığı davam etdirən “Səbail” Türkiyə toplanışı çərçivəsində ikinci yoxlama oyununa çıxıb.

Komanda.az xəbər verir ki, Bakı təmsilçisi Super Liqa klubu “Hatayspor”la qarşılaşıb və 1:1 hesablı bərabərə qalıb.

“Dənizçilər”in yeganə qolunu Gülağa Əsədov vurub.

“Səbail”in Ərzurum toplanışı iyulun 18-dək davam edəcək. Komanda daha əvvəl Türkiyə 1-ci Liqa təmsilçisi “Ərzurumspor”la qarşılaşıb və 2:3 hesabı ilə uduzub.