“Səbail” ilk məşqini keçirib

“Səbail” Azərbaycan Premyer Liqasında 2023/2024 mövsümünün ikinci yarısı üçün hazırlıqlara start verib.

Komanda.az “dənizçilər”in mətbuat xidmətinə istinadən xəbər verir ki, komanda baş məşqçi Şahin Diniyevin rəhbərliyi altında bu gün “ASCO Arena”da yeni ildə ilk məşqini keçirib.

Paytaxt təmsilçisi hazırlığın növbəti mərhələsi üçün yanvarın 5-də Türkiyənin Antalya şəhərinə yollanacaq. “Miracle Resort” hotelində məskunlaşacaq komanda qonşu ölkədə 2 yoxlama oyununda qüvvəsini sınayacaq.

Rəqiblər Rumıniya Super Liqa təmsilçisi “Universitatya Kluj” (12 yanvar) və Rusiya Premyer Liqa klubu “Fakel” (15 yanvar) olacaq.