“Sürix” Bakıya niyə yeni səfər formasında gəlməyib?

İsveçrə “Sürix”i Bakıya yeni səfər formalarını gətirə bilməyib.

Komanda.az klubun rəsmi saytına istinadən xəbər verir ki, “Sürix” UEFA Çempionlar Liqasının 2-ci təsnifat mərhələsinin “Qarabağ”la ilk oyununda əvvəlki formalarından yararlanıb. Klub səfər formalarının çatdırılması ilə bağlı problem yaşadığından, xüsusi qara formalardan istifadə etməli olub.

Xəbərdə qeyd edilib ki, komandanın yeni mövsüm üçün ev və səfər formaları iyulun sonlarında satışa çıxarılacaq.

Oyun “Qarabağ”ın qələbəsi ilə başa çatıb – 3:2. Cavab matçı iyulun 27-də olacaq.