Super Liqanın oyunları təxirə salındı – seçkiyə görə

Basketbol üzrə Azərbaycan Super Liqasında 16-cı turun oyunları təxirə salınıb.

Komanda.az xəbər verir ki, bu barədə Azərbaycan Basketbol Federasiyasının rəsmi saytı məlumat yayıb.

Qeyd olunur ki, fevralın 9-da Azərbaycan Respublikasının Milli Məclisinə keçiriləcək seçkilərlə bağlı AzTU-də bir sıra tədbirlərin keçirilməsi nəzərdə tutulub. Bununla əlaqədar Super Liqanın 16-cı turunun oyunları başqa vaxta təyin ediləcək.

Sözügedən turun oyunları fevralın 7 və 8-də keçirilməli idi. Çempionatın görüşləri məhz Texniki Universitetin idman zalında təşkil olunur.

15 turdan sonra turnir cədvəlindəki vəziyyət belədi:

1. Zirvə Astara – 28 xal
2. Atom – 26
3. Sərkərdə – 23
4. Xırdalan – 22
5. Gəncə – 22
6. Atletik Baku – 21
7. Sıçrayış – 21
8. 80-lər – 14