Super Liqa klubundan daha bir transfer

Türkiyənin “Başakşəhər” klubu heyətini yeni futbolçu ilə gücləndirib.

Komanda.az xəbər verir ki, Super Liqa təmsilçisi Portuqaliyanın “Aveş” klubundan mərkəz müdafiəçisi Karlos Ponku transfer edib.

Bu barədə klubun rəsmi saytı məlumat yayıb. Kapo Verde yığmasının üzvü ilə 4 illik müqavilə imzalanıb. Ponk yeni komandasında 26 nömrəli formanı geyinəcək.

24 yaşlı futbolçu 2017-ci ildən “Aveş”də forma geyinirdi. O, daha öncə Portuqaliyanın “Benfika”, “Pasuş de Ferreyra”, “Çaveş” klublarında da çıxış edib.