Super Liqa klubundan baş məşqçisi ilə yeni müqavilə

Türkiyənin “Konyaspor” komandasının baş məşqçisi İlhan Palut klubla yeni müqavilə imzalayıb.

Komanda.az xəbər verir ki, bu barədə Super Liqa təmsilçisinin rəsmi saytı məlumat yayıb.

45 yaşlı mütəxəssislə 2 illik yeni müqavilə imzalanıb. Əvvəlki sözləşmə bu mövsümün sonuna kimi idi.

İlhan Palut 2021-ci ilin fevralından “Konyaspor”a rəhbərlik edir. Sözügedən komanda bu mövsüm Super Liqa çərçivəsində keçirdiyi 19 oyunda 11 qələbə qazanıb. Hesabında 39 xal olan kollektiv 20 iştirakçı arasında ikinci pillədə qərarlaşıb.