![](https://komanda.az/wp-content/uploads/2019/11/ilhan-palut.jpg)
Super Liqa klubunda yeni baş məşqçi
Türkiyənin “Göztəpə” klubunun yeni baş məşqçisi müəyyənləşib.
Komanda.az xəbər verir ki, Super Liqa təmsilçisi İlhan Paluta tapşırılıb.
Bu barədə İzmir klubunun rəsmi saytı məlumat yayıb. Yeni baş məşqçi ilə 3 illik müqavilə imzalanıb.
43 yaşlı mütəxəssis ilk dəfə Super Liqada baş məşqçilik edəcək. Məşqçilik karyerasına 2016/17 mövsümündə başlayan Palut, “Hatayspor”u TFF 2-ci liqadan 1-ci liqaya daşımışdı. Amma bu mövsüm TFF 1-ci liqanın 6-cı turundan sonra “Hatayspor” gənc mütəxəssislə vidalaşmağa qərar vermişdi.
İlhan Palut “Göztəpə”də bir neçə gün əvvəl istefa verən Tamer Tunanı əvəz edib. Sözügedən komanda 10 oyundan sonra 12 xalla 12-ci pillədə qərarlaşıb.
Bizi Telegramda izləyin
Bizi Facebook-da izləyin