![](https://komanda.az/wp-content/uploads/2023/03/calimbay-780x470.jpg)
Super Liqa klubunda baş məşqçi ayrılığı
Türkiyənin “Sivasspor” komandası baş məşqçisiz qalıb.
Komanda.az xəbər verir ki, 2019-cu ildən bu komandaya rəhbərlik edən Rıza Çalımbay klubdan ayrılıb.
O, bu qərarını Super Liqanın 2022/23 mövsümünün sonuncu – 38-ci turu çərçivəsində baş tutan “Kayserispor”la ev oyunundan (1:1) sonrakı mətbuat konfransında açıqlayıb.
60 yaşlı mütəxəssin klubla müqaviləsinin müddəti başa çatıb. O, işini davam etdirmək istəmədiyi üçün tərəflər vidalaşmaq məcburiyyətində qalıblar.
Çalımbay 2010-2013-cü illər aralığında da “Sivasspor”a rəhbərlik edib. Bu klub ötən mövsüm Çalımbayın rəhbərliyi altında tarixində ilk dəfə Türkiyə Kubokunun qalibi olub.
Bizi Telegramda izləyin
Bizi Facebook-da izləyin