Super Liqa klubuna transfer qadağası ləğv olundu

Türkiyənin “Ankaragücü” klubuna tətbiq olunan transfer qadağası aradan qaldırılıb.

Komanda.az xəbər verir ki, bu barədə Super Liqa təmsilçisinin rəsmi saytı məlumat yayıb.

Xəbərdə klubun bu qış fasiləsindən etibarən heyətinə yeni futbolçular qata və onları qeydiyyatdan keçirə biləcəyi diqqətə çatdırılıb.

Xatırladaq ki, “Ankaragücü”nə transfer qadağası ötən ilin sonunda əvvəlki borclarını ödəyə bilmədiyi üçün tətbiq olunmuşdu.

Paytaxt təmsilçisi Super Liqada bu mövsüm keçirdiyi 18 oyunda 15 xal toplayıb və 21 kollektiv arasında 20-ci pillədə qərarlaşıb.