Super Liqa klubu yunan futbolçu ilə gücləndi

“Trabzonspor” heyətini yeni futbolçu ilə gücləndirib.

Komanda.az xəbər verir ki, Super Liqa təmsilçisi Yunanıstanın yığmasının və “Panatinaikos”un yarımmüdafiəçisi Dimitrios Kurbelisi transfer edib.

Azad agent statusuna malik 29 yaşlı futbolçu ilə 2+1 illik müqavilə imzalanıb.

“Asteras”ın (Tripolis) yetirməsi olan Kurbelis 2017-ci ildən “Panatinaikos”da forma geyinirdi. O, Yunanıstan millisində 32 oyuna 1 qol vurub.