“Sumqayıt”da qazaxıstanlı futbolçu – Rəsmi

“Sumqayıt” klubu yeni futbolçu transfer edib.

Komanda.az “kimyaçılar”ın rəsmi saytına istinadən xəbər verir ki, klub qazaxıstanlı Rifat Nurmuqameti heyətinə qatıb. 26 yaşlı yarımmüdafiəçi ilə 1+1 illik müqavilə imzalanıb.

Rifat Nurmuqamet son olaraq ölkəsində “Maktaaral”ın formasını geyinib. “Kayrat”ın yetirməsi olan Rifat karyerası boyunca “Jetısu” və “Aktobe” klublarında da çıxış edib. 26 yaşlı futbolçu Qazaxıstanın U-21 millisinə də dəvət alıb.

Bizi Telegramda izləyin