“Sumqayıt” yaya qədər bu heyətlə davam edəcək” – Vaqif Cavadov

“Sumqayıt”ın baş məşqçisi Vaqif Cavadov Azərbaycan Premyer Liqasının 17-ci turu çərçivəsində “Qarabağ”a qarşı keçirdikləri oyunu şərh edib.

Komanda.az xəbər verir ki, o, 0:5 hesablı məğlubiyyətlə üzləşdikləri oyundan sonra baş tutan mətbuat konfransında bunları söyləyib:

“Bu oyundan danışarkən məni daha yaxşı başa düşəcəksiz. Ən irəli gedən komandaya qarşı oynadıq. Onları təbrik edirəm. Bu, bizim üçün təcrübə oldu ki, daha yaxşı çıxış etməliyik. Baxmayaraq ki, uduzmuşuq, bu səhvlərdən nəticə çıxarıb, yaxşı hazırlaşıb, səfərdə “Kəpəz”ə qarşı daha yaxşı çıxış edəcəyik. Bəzi fərdi səhvlər etdik. Hər üç qapıçıma çox güvənirəm. Onlar komandaya layiq olduqlarını sübut edirlər. Komandam oyunda uda da bilər, uduza da bilər. Bu gün bizim günümüz deyildi. Daha yaxşı hazırlaşıb çıxış edəcəyimizə inanıram. Yaya qədər biz bu heyətlə davam edəcəyik. Komandada 13 əcnəbi futbolçu var və onları dəyişdirmək qeyri-mümkündür”.

Nəzrin