“Sumqayıt” Türkiyəyə yollandı

“Sumqayıt” təlim-məşq toplanışı keçmək üçün bu gün Türkiyəyə yollanıb.

Komanda.az xəbər verir ki, Premyer Liqa təmsilçisi Antalya şəhərinin Lara bölgəsində hazırlıq keçəcək.

Komanda yanvarın 17-dək davam edəcək hazırlıq prosesi çərçivəsində iki yoxlama oyununda gücünü sınayacaq. Samir Abasovun yetirmələri yanvarın 12-də “Hermanştadt” (Rumıniya), 16-da isə “Soqdiana” (Özbəkistan) klubları ilə üz-üzə gələcək.

“Sumqayıt” Premyer Liqada ilk yarıdan sonra 27 xalla 4-cü pillədə qərarlaşıb.