“Sumqayıt” Pakistan millisinin futbolçusu ilə anlaşıb

Pakistan millisinin futbolçusu İsa Suliman karyerasını Azərbaycanda davam etdirəcək.

Komanda.az “Record” nəşrinə istinadən xəbər verir ki, 25 yaşlı müdafiəçi “Sumqayıt”la razılığa gəlib.

Onun Portuqaliya “Vitoriya”sından ayrılaraq “kimyaçılar”a keçəcəyi bildirilib. Sulimanın tezliklə rəsmi müqavilə imzalayacağı gözlənilir.

İyun ayından Pakistan yığmasına dəvət alan Suliman İngiltərənin U-15, U-16, U-17, U-18, U-19 və U-20 millilərində çıxış edib.