“Sumqayıt”ın Müşahidə Şurasının tərkibində dəyişiklik edildi

“Sumqayıt” klubunun Müşahidə Şurasının növbəti iclası keçirilib.

Komanda.az klubun rəsmi saytına istinadən xəbər verir ki, “Azərikimya” İB-də baş tutan toplantıda “Sumqayıt”ın prezidenti Riad Rəfiyev, Müşahidə Şurasının üzvləri – İmran Arzumanzadə, Vaqif Ömərov, Teymur Səmədov, Telman Salahov və Abdulla Məmmədov iştirak ediblər.

Toplantıda əsas komandanın çıxışı, akademiyanın cari mövsümdəki fəaliyyəti, klubun infrastrukturu ilə bağlı yeni layihələr, Müşahidə Şurasına yeni üzvlərin seçilməsi və digər məsələlər müzakirə edilib.

Yekunda Fərid İslamov, həmçinin Vüsal Nağıyevin şuraya üzv seçilməsi iclas iştirakçıları tərəfindən yekdilliklə qəbul olunub.

Sonda Müşahidə Şurası tərəfindən klubun rəhbərliyinə bəzi məsələlərlə bağlı müxtəlif tapşırıqlar verilib.