Luis Suares Madrid klubunun hədəfində

“Barselona”dakı gələcəyi müzakirə edilən Luis Suares daha bir klubun hədəfindədir.

Komanda.az İspaniya mətbuatına istinadən xəbər verir ki, “Atletiko” uruqvaylı futbolçunun xidmətində maraqlıdır. Madrid klubu “Barselona”ya rəsmi təklif göndərməsə də, bu transferin “hindular”ın əsas hədəflərindən biri olduğu bildirilir.

Baş məşqçi postuna Ronald Kumanın gəlişindən sonra komandadan ayrılacağı deyilən Suareslə “Yuventus” da maraqlanır.

2014-cü ildən “Barselona”nın uğurları üçün çalışan 33 yaşlı futbolçu, bu müddətdə iştirak etdiyi 283 oyunda 198 qol vurub. Onun klubla müqaviləsi növbəti ilin yayında başa çatır.