“Ştutqart”dan baş məşqçisi ilə yeni müqavilə

“Ştutqart” klubu baş məşqçisi Sebastyan Hönesslə müqavilə müddətini uzadıb.

Komanda.az xəbər verir ki, bu barədə məlumatı klubun mətbuat xidməti yayıb.

41 yaşlı mütəxəssisin yeni müqaviləsi 2026/27 mövsümünün sonuna qədər qüvvədə olacaq. Əvvəllər mətbuatda məşqçi ilə “Bayern” və “Bayer”in maraqlandığı bildirilirdi.

Höness 2023-cü ilin aprel ayından Almaniya komandasını çalışdırır.

“Ştutqart” bu mövsüm 24 turda 50 xal toplayaraq Almaniya çempionatının turnir cədvəlində üçüncü yeri tutur.