Spalletti maaşının artırılmasını istəyir

“Napoli”nin baş məşqçisi Luçano Spalletti yaxın vaxtlarda klub prezidenti Aurelio De Laurentislə yeni müqavilə ilə bağlı görüşəcək.

Komanda.az “Tuttomercatoweb”-ə istinadən xəbər verir ki, 64 yaşlı mütəxəssis klubun yay transfer bazarı ilə bağlı planlarını bilmək istəyir. Həmçinin, Spalletti maaşının illik 2,8 milyon avrodan 4,5 milyon avroya yüksəldilməsini arzulayır.

“Napoli” mövsümün sonuna 4 tur qalmış A Seriyasında çempionluğu təmin edib. Bu, klub tarixində üçüncü skudettodur. İlk ikisi ötən əsrdə – 1986/87 və 1989/90 mövsümlərində qazanılıb.