“Napoli”dən baş məşqçi ilə yeni müqavilə

“Napoli” baş məşqçisi Luçano Spaletti ilə müqavilənin müddətini uzadıb.

Komanda.az xarici KİV-ə istinadən xəbər verir ki, o, “Fiorentina”ya 1:0 hesabı ilə qalib gəldikləri İtaliya A Seriyasının 23-cü tur matçından sonra bu haqda danışıb.

Spaletti rəhbərliyin sözləşmənin artırılması variantını aktivləşdirdiyini bildirib. O, yeni müqavilənin 2024-cü ilin yayınadək nəzərdə tutulduğunu diqqətə çatdırıb.

“Napoli” 33 ildən sonra İtaliya çempionatının qalibi olub. Neapol təmsilçisi öncədən 1986/87 və 1989/90 mövsümlərində də “qızıl” qazanmışdı.