Spaletti: “Barselona” heç-heçəyə layiq idi, amma penalti yox idi”

“Napoli”nin baş məşqçisi Luçano Spaletti Avropa Liqasının 1/8 final mərhələsində “Barselona” ilə ilk oyundan (1:1) sonra açıqlama verib.

Komanda.az xəbər verir ki, Spalletti “Sky Sport İtalia”ya açıqlamasında, “Barselona”nın oyununun heç-heçəyə layiq olduğunu deyib:

“Düşünürəm ki, ilk hissədə “Barselona” ilə bərabər səviyyədə oynaya biləcəyimizi sübut etdik. Fasilədən sonra onlar üstünlüyə yiyələndilər. Biz ilk hissədəki oyunumuzu bütün matç ərzində təkrarlaya bilərik.

“Barselona” heç-heçəyə layiq idi, amma o epizodda penalti yox idi. Topun istiqaməti dəyişməmişdi.

Dediyim kimi, “Barselona” hesabı bərabərləşdirməyə layiq idi, lakin penalti yox idi”.

“Barselona” “Napoli” ilə matçda bərabərlik qolunu penaltidən vurub.