“Sona qədər mübarizə aparacağıq” – Kadi Borges

“Qarabağ”ın futbolçusu Kadi Borges Bakıda “Marsel”ə (Fransa) qarşı keçirəcəkləri UEFA Konfrans Liqasının pley-off mərhələsinin cavab oyunundan əvvəl mətbuat konfransında iştirak edib.

Komanda.az xəbər verir ki, Borges, onları çətin oyun gözlədiyini deyib:

“Bizi çətin oyun gözləyir”.

Braziliyalı futbolçu cavab qarşılaşmasında təslim olmayacaqlarını bildirib:

“İlk oyunu təhlil etmişik, buraxdığımız səhvlərdən nəticə çıxarmalıyıq. Ümid edirəm ki, Fransadakı səhvləri təkrarlamayacağıq. Öz gücümüzə də bələdik. Hesab əleyhimizə olsa da, bunu xeyrimizə dəyişmək gücündəyik. Təslim olmayacaq, sona qədər mübarizə aparacağıq. Ümid edirəm ki, bizə lazım olan nəticəni əldə edə biləcəyik”.

Fevralın 24-də Tofiq Bəhramov adına Respublika stadionunda keçiriləcək oyun saat 21:45-də başlayacaq. Fransadakı ilk oyunda “Qarabağ” 1:3 hesabı ilə uduzub.