Son mövsümdə Azərbaycan Premyer Liqasında azarkeş sayı açıqlandı
Azərbaycan Premyer Liqasının 2024/2025 mövsümünün matçlarını 275 min 933 tamaşaçı izləyib.
Komanda.az Peşəkar Futbol Liqasının rəsmi saytına istinadən xəbər verir ki, baş tutan 180 matçda orta tamaşaçı sayı 1533-ə bərabər olub.
Ev oyunlarındakı izləyici sayında “Turan Tovuz” hamını qabaqlayıb. Qərb təmsilçisi mövsüm ərzində 78500, orta hesabla hər oyunda 4361 tərəfdar toplayıb.
“Turan Tovuz” ikinci yerdən təxminən 2 dəfə önədir. Tamaşaçı sayında “Neftçi” ikinci, “Sumqayıt” üçüncü pillədə qərarlaşıb.
| 1 | Turan Tovuz | 78500 | 18 | 4361 |
| 2 | Neftçi | 39767 | 18 | 2209 |
| 3 | Sumqayıt | 33450 | 18 | 1858 |
| 4 | Qarabağ | 31130 | 18 | 1729 |
| 5 | Sabah | 23886 | 18 | 1327 |
| 6 | Şamaxı | 20900 | 18 | 1161 |
| 7 | Kəpəz | 18600 | 18 | 1033 |
| 8 | Zirə | 13550 | 18 | 753 |
| 9 | Səbail | 11550 | 18 | 642 |
| 10 | Araz-Naxçıvan | 4600 | 18 | 256 |
| Cəmi | 275933 | 180 | 1533 |
Mövsümün ən çox tamaşaçı toplayan qarşılaşmaları Azərbaycan derbiləridir. 23-cü turda “Neftçi” – “Qarabağ” oyununda 9355, 31-ci turda “Qarabağ” – “Neftçi” görüşündə 7200, 15-ci turun “Neftçi” – “Qarabağ” matçında 7069 azarkeş qeydə alınıb. “Sumqayıt” – “Qarabağ” (9-cu tur, 7000 tamaşaçı) və “Turan Tovuz” – “Qarabağ” (28-ci tur, 6500 tamaşaçı) oyunları da ilk beşlikdə yer alıb.
Bizi Facebook-da izləyin
