Harri Keyn: “Sonla arvadımdan çox vaxt keçirirəm”

“Tottenhem”in futbolçusu Harri Keyn komanda yoldaşı Son Hın Minlə yaxın münasibətini yumoristik şəkildə şərh edib.

Komanda.az xəbər verir ki, Fransa mətbuatına açıqlama verən Keyn, həyat yoldaşından daha çox Son ilə vaxt keçirdiyini söyləyib:

“Həyat yoldaşım Son Hın Mini qısqanır. Heç nə demir, lakin gələcəkdə nə isə problem yaratsa, təəccüblənmərəm. Düzünü deyim ki, Sonla arvadımdan daha çox vaxt keçirirəm. Bunu stadionda da görə bilərsiz”.

Harri Keyn bu mövsüm “Tottenhem”in heyətində 12 qol və 8 məhsuldar ötürmə, Son Hın Min isə 17 qol, 6 məhsuldar ötürmə ilə yadda qalıb.