Slot futbolçusu ilə “Real”a mümkün keçidi müzakirə edib

“Liverpul”un baş məşqçisi Arne Slot Trent Aleksander-Arnoldla “Real”a mümkün keçidini müzakirə etdiyini etiraf edib.

Komanda.az xarici KİV-ə istinadən xəbər verir ki, niderlandlı çalışdırıcı, hər bir futbolçu ilə vaxtaşırı danışdığını bildirib:

“Mən Arnoldla “Real”a keçmək barədə danışmışammı? Hər bir futbolçu ilə vaxtaşırı danışıram. Trentlə də eynidir, bəli… Mən onunla bu barədə danışdım”.

“Kral klubu”nun ingiltərəli futbolçunun təcili transferi üçün mersisaydlılara 25 milyon avro təklif etdiyi barədə məlumatlar yayılıb. “Real” “Liverpul”la müqaviləsi başa çatdıqdan sonra, onu azad agent kimi əldə edə biləcəyi 2025-ci ilin yayına qədər gözləməkdən çəkinir.

26 yaşlı müdafiəçisi bu mövsüm “qırmızılar”ın heyətində bütün turnirlərdə 23 oyuna çıxıb, 1 qol vurub və 5 məhsuldar ötürmə edib.