Benitesdən “Liverpul”un yeni baş məşqçisinə məsləhət

İspaniyalı mütəxəssis Rafael Benites “Liverpul”un yeni baş məşqçisi Arne Slot haqda danışıb.

Komanda.az “The Telegraph”-a istinadən xəbər verir ki, Benites, 45 yaşlı mütəxəssisə məsləhət verib:

“Slota məsləhətim özü olmaqdır. O, çalışacağı şəhərin və klubun mədəniyyətini başa düşməlidir. Slot bunu anlayan kimi, bu, doğru yolda atılan ilk müsbət addım olacaq”.

Niderlandlı mütəxəssis “qırmızılar”da Yurgen Kloppu əvəzləyib. O, iyunun 1-də işə başlayacaq. Slotla “Liverpul” arasındakı müqavilənin müddəti 2027-ci ilin ortalarına kimi hesablanıb. Onun əvvəlki klubu “Feyenoord” olub.