Dünyanın ən yaxşı məşqçisi odur – Slota görə

“Liverpul”un baş məşqçisi Arne Slot Premyer Liqada komandaların oyunu öncəsi “Mançester Siti”nin çalışdırıcısı Pep Qvardiola haqda fikirlərini bölüşüb.

Komanda.az “Yahoo Sport”-a istinadən xəbər verir ki, niderlandlı çalışdırıcı “şəhərlilər”in əla komandasının olduğunu bildirib:

“Mançester Siti”nin əla komandası var. Qvardiolanı dünyanın ən yaxşı məşqçisi hesab etməyimin səbəblərindən biri də budur. O, həmişə ən çətin vəziyyətlərdə necə həll yolu tapacağını bilir. İndi onun əsas problemi Rodri Hernandesi itirməsidir. Amma əminəm ki, o, bu məsələni həll edəcək. Ümid edirəm ki, bu, bizim oyunumuzdan sonra baş verəcək”.

İngiltərə çempionatının 13-cü turunun “Liverpul” – “Mançester Siti” oyunu dekabrın 1-də keçiriləcək.