Slot PSV-yə məğlubiyyətdən danışdı

“Liverpul”un baş məşqçisi Arne Slot UEFA Çempionlar Liqasının ümumi mərhələsinin son turunda PSV-yə qarşı keçirilən görüşdə komandasının məğlubiyyətinin səbəblərini açıqlayıb.

Komanda.az klubun mətbuat xidmətinə istinadən xəbər verir ki, niderlandlı çalışdırıcının fikrincə, birincisi, belə səviyyəli iki rəqibin qarşılaşmasında müdafiədə səhvlər qaçılmazdır, ikincisi, komandada gənc futbolçular çoxdur:

“Sonda biz hələ də intriqa yarada bildik. Xüsusən də, meydanda çoxlu sayda gənc oyunçu var idi”.

Qarşılaşma 3:2 hesabı ilə PSV-nin xeyrinə başa çatıb. “Liverpul” turnirdə ilk məğlubiyyətini alsa da, 1-ci yerlə pley-offa vəsiqə qazanıb.