Slot: “Əlimizdə olan heyətdən razıyam”

“Liverpul”un baş məşqçisi Arne Slot qış transfer pəncərəsində komandanın potensial güclənməsindən danışıb.

Komanda.az Mersisayd klununun mətbuat xidmətinə istinadən xəbər verir ki, niderlandlı çalışdırıcı heyətdən razı olduğunu bildirib:

“Mətbuatda məlumat var ki, biz kimisə ala bilərik? Bu barədə heç düşünmürdüm. Mən əlimizdə olan heyətdən razıyam. Bu barədə altı ay əvvəl danışmışdım. Düşünürəm ki, oyunçularım bütün ümidləri doğrultdular”.

İngiltərə çempionatının 18 oyunundan sonra 45 xal toplayan “Liverpul” turnir cədvəlinə başçılıq edir. Slotun yetirmələri 2-ci yerdə qərarlaşan “Nottingem Forest”i 8 xal qabaqlayır.