Slot Kyeza ilə bağlı qərar verəcək – Bu gün

“Liverpul”un baş məşqçisi Arne Slot UEFA Çempionlar Liqasının “Bolonya” ilə matçını (2:0) buraxan yarımmüdafiəçi Federiko Kyezanın vəziyyətini şərh edib.

Komanda.az xəbər verir ki, niderlandlı çalışdırıcı mətbuat konfransında Kyezanın son iki gündə məşq etmədiyini bildirib:

“Gözləyib görməliyik, o, son iki gündə məşq etməyib. Bu gün yoxlayacağıq. Məşq etsə, o zaman qərar verməli olacam. Mən yalnız 20 nəfər seçə bilərəm.

Beləliklə, əvvəlcə onun məşq edə biləcəyinə baxacağıq. Bacarsa, matçda iştirakla bağlı qərar verəcəyik”.

“Liverpul” Premyer Liqa çərçivəsində oktyabrın 5-də səfərdə “Kristal Pelas”la qarşılaşacaq.