Slot: “Bu, tamamilə fərqli bir matçdır”

“Liverpul”un baş məşqçisi Arne Slot İngiltərə Liqa kubokunun yarımfinal mərhələsinin ilk oyununda “Tottenhem”ə məğlubiyyəti (0:1) şərh edib.

Komanda.az “BBC Sport”-a istinadən xəbər verir ki, niderlandlı çalışdırıcı bunun tamamilə fərqli bir matç olduğunu bildirib:

“Bu, hər iki komandanın pressinq və topu rəqibin müdafiəsinə daşımağa çalışdığı matç idi. Bazar günü “Mançester Yunayted”lə oyundan (2:2) bir az daha çox xoşuma gəldi.

“Tottenhemin” son məğlubiyyəti? Bəli, iki həftə əvvəl biz ən yaxşı oyunlarımızdan birini, bəlkə də, ən yaxşısını oynamışdıq, ancaq bu, tamamilə fərqli bir matçdır”.

Cavab oyunu fevralın 6-da “Liverpul”un stadionunda keçiriləcək. Slotun komandası İngiltərə Premyer Liqasında ən yaxın izləyicilərindən 6 xal fərqlə liderliyini qoruyub saxlayır.