Skoulzla “axirət sorğu-sualı”

“Mançester Yunayted”in sabiq yarımmüdafiəçisi Pol Skoulz qısa sual-cavab formatında keçirilən sorğuda iştirak edib.

Komanda.az xarici KİV-ə istinadən xəbər verir ki, o, hazırda və tarix boyu müxtəlif mövqelərdə ən yaxşı futbolçuların adlarını qeyd edib:

– Hazırkı dövrün ən yaxşı qapıçısı?
– “Liverpul”un qapıçısı Alisson Bekker.

– Bütün dövrlərin ən yaxşı qapıçısı?
– Peter Şmeyxel.

– Hazırda ən yaxşı müdafiəçi?
– Vircil van Dayk.

– Bütün dövrlərin ən yaxşı müdafiəçisi?
– Rio Ferdinand.

– Hazırda ən yaxşı yarımmüdafiəçi?
– Kevin De Bruyne.

– Bütün dövrlərin ən yaxşı yarımmüdafiəçisi?
– Zinədin Zidan.

– Hazırkı dövrün ən yaxşı cinah oyunçusu?
– Vinisius Junior.

– Bütün dövrlərin ən yaxşı cinah oyunçusu?
– Mən Kriştiano Ronaldonu qeyd edərdim.

– Hazırda ən yaxşı hücumçu?
– Kilian Mbappe.

– Bütün dövrlərin ən yaxşı hücumçusu?
– Messi hücumçudur? Bəli, mən Messini qeyd edərdim.