Skaloni: “Dünya çempionu olmağımız heç vaxt uduzmayacağımız mənasına gəlmir”

Argentina millisinin baş məşqçisi Lionel Skaloni DÇ-2026-nın seçmə mərhələsində Uruqvay yığması ilə oyunun nəticəsini (0:2) şərh edib.

Komanda.az xarici KİV-ə istinadən xəbər verir ki, o, məğlubiyyətin təkrarlanmayacağına inanır:

“Yolumuzu tapmadıq və rahat olmadıq. Şübhəsiz ki, onlar qələbəyə layiq idilər. İkinci hissədə əvəzetmələrdən istifadə edərək yaxşılaşmağa çalışdıq. Qələbə seriyasına baxmayaraq, futbolda uduzmaq olar. Kədərlənirik, çünki evdə oynayanda həmişə insanları sevindirmək istəyirik.

Heç birimiz uduzmağı sevmirik, amma səhifəni çevirməli, bundan sonra nə olacağını düşünməli və onu düzəltmək məcburiyyətindəyik. Dünya çempionu olmağımız heç vaxt uduzmayacağımız mənasına gəlmir. Bütün uğursuzluqlardan dərs alırıq. Məğlubiyyətin təkrarlanmayacağına inanıram”.