“Biz qələbə yoluna qayıtmalıyıq” – Argentina millisinin baş məşqçisi

Argentina millisinin baş məşqçisi Lionel Skaloni Paraqvayla oyunda (1:2) məğlubiyyətlə bağlı fikirlərini bölüşüb.

Komanda.az “AlbicelesteTalk”-a istinadən xəbər verir ki, argentinalı çalışdırıcı qələbə yoluna qayıtmalı olduqlarını bildirib:

“Mən bura futbolçularımı tənqid etmək üçün deyil, onlara dəstək olmaq üçün gəlmişəm. Bilirdik ki, bizi çətin matç gözləyir. Komandamız ilk hissədə yaxşı oynadı, lakin fasilədən sonra buraxılan erkən qol hər şeyi çətinləşdirdi. Özünü yaxşı müdafiə edən rəqibi təbrik etməliyik. Rəqiblərimizin bizə qarşı çıxış yolu tapıb-tapmadığını bilmirəm, amma biz qələbə yoluna qayıtmalıyıq. Heç vaxt təslim olmamaq və hər şeyinizi vermək vacibdir”.