Skaloni: “Bu, ədalətli nəticədir”

DÇ-2026-nın seçmə mərhələsi çərçivəsində Çili yığmasına 3:0 hesabı ilə qalib gələn Argentina millisinin baş məşqçisi Lionel Skaloni oyunla bağlı fikirlərini bölüşüb.

Komanda.az milli komandanın mətbuat xidmətinə istinadən xəbər verir ki, argentinalı çalışdırıcı bunu ədalətli nəticə hesab etdiyini bildirib:

“Çətin matç oldu, xüsusən də, birinci hissə. Fasilədə hər şeyi müzakirə edib özümüzü düzəltdik. Hesab edirəm ki, bu, ədalətli nəticədir. Komanda yaxşı oyun nümayiş etdirdi, amma üzərində işləmək üçün həmişə nəsə var”.

Argentina yığmasının qollarını Aleksis Makallister, Xulian Alvares və Paulo Dibala vurub. Skaloninin yetirmələri növbəti oyununu sentyabrın 10-da Kolumbiya millisinə qarşı keçirəcək.