Simeone Suaresin yerinə onu istəyir

“Atletiko”nun baş məşqçisi Dieqo Simeone mövsümün sonunda komandadan ayrılacağı ehtimal edilən hücumçu Luis Suaresin yerinə gələcək futbolçu ilə bağlı qərar verib.

Komanda.az “Mundo Deportivo”-ya istinadən xəbər verir ki, argentinalı baş məşqçi həmyerlisi, “İnter”in hücumçusu Lautaro Martinesi komandasında görmək istəyir. Milan klubu 24 yaşlı futbolçu üçün ən azı 80 milyon avro tələb edir.

İspaniyanın digər klubu “Barselona”nın da Lautaro ilə maraqlandığı deyilir.

Martines bu mövsüm 41 oyunda 17 qol vurub və 3 məhsuldar ötürmə edib.