Silvanın taleyinə AÇ-2024-dən sonra aydınlıq gələcək

“Mançester Siti”nin yarımmüdafiəçisi Bernardo Silva klubdakı gələcəyi ilə bağlı hələ qərar verməyib.

Komanda.az “Mirror”-a istinadən xəbər verir ki, 29 yaşlı futbolçu 2024-cü il Avropa çempionatındakı çıxışından sonra “şəhərlilər”lə karyerasını müzakirə edəcək. Onun “Barselona”ya keçəcəyi gözlənilir.

Silva bu mövsüm 45 oyun keçirib, 11 qol vurub və 6 məhsuldar ötürmə edib. Onun klubla müqaviləsi 2026-cı ilin yayında başa çatır.