ÇL: “Onlara hörmət etməsək, axmaqlıq etmiş olarıq”

“Mançester Siti”nin yarımmüdafiəçisi Bernardo Silva UEFA Çempionlar Liqasının (ÇL) “Real”la yarımfinal oyunundan öncə danışıb.

Komanda.az xarici KİV-ə istinadən xəbər verir ki, o, rəqibdən qorxmadıqlarını bildirib:

“Biz onlara hörmətlə yanaşırıq, amma qorxu hissi keçirmirik. Niyə onlardan qorxmalıyıq?

Çalışacağıq ki, son iki ayda formalaşdırdığımız sürəti qoruyub saxlayaq. “Real” turnirin son qalibidir. Onları məğlub edəcəyimizə inanırıq.

Bilirsiz, məsələ loqolarda yox, meydançaya çıxacaq futbolçularla bağlıdır. Rəqibin heyətində Luka Modriç, Toni Kroos, Vinisius Junior, Kərim Benzema olmasaydı, onlar heç bir uğur qazana bilməzdilər. Çünki çempionluq öz-özünə gəlmir.

Onlara hörmət etməsək, axmaqlıq etmiş olarıq. Qarşıya qoyduğumuz məqsədimiz var. Ötən il çox çətin şəraitdə “Real”a uduzduq. Çalışacağıq ki, bu il daha fərqli nəticəyə imza ataq”.

“Real” – “Mançester Siti” matçı mayın 9-da, saat 23:00-da start götürəcək.