“Bura qol vurmaq üçün gəlmişəm” – “Borussiya”nın yeni transferi

Almaniya Bundesliqasının 18-ci turu çərçivəsində “Auqsburq”a 5:3 hesabıyla qalib gələn “Borussiya”nın (Dortmund) futbolçusu Erlinq Haland açıqlama verib.

Komanda.az Almaniya mətbuatına istinadən xəbər verir ki, Dortmund təmsilçisinin heyətində debüt oyununda het-triklə yadda qalan 19 yaşlı norveçli futbolçu, bunları deyib:

“Bura qol vurmaq üçün gəlmişəm. Sevinirəm ki, debütüm yaxşı alındı. Azarkeşlərin göstərdiyi dəstək möhtəşəmdir. Bu cür azarkeşlərin qarşısında oynamaq sevindiricidir. Burda xoşbəxtəm”.

Haland bir müddət əvvəl “Zalsburq”dan “Borussiya”ya transfer olunmuşdu.